અનામિકા

દિલની કલમને આજ અજ્માવી રહ્યો છુ

મનના વિચારોને આજ વાચા આપી રહ્યો છુ

મારી નજરથી આજ તને આસપાસ શોધી રહ્યો છુ

પણ પ્રિયે તારી જ નજરથી દુનિયા જોઇ રહ્યો છુ

તારા કોમલ હાથની હથેળીને આજ હુ શોધી રહ્યો છુ

પણ એ જ તારા હાથના સ્પર્શને મહેસુસ કરી રહ્યો છુ

તારા એ મીઠા ગુસ્સાને આજ હુ શોધી રહ્યો છુ

પણ તારા વિશ્વાસે જ મારા શ્વાસને હંકારી રહ્યો છુ

બંધ નજરે આજ હુ તારી છબી શોધી રહ્યો છુ

પણ તારૉ જ પદછાયો બની હુ ચાલી રહ્યો છુ

ગબડીને ગુલામટુ ખાતા હુ તને શોધી રહ્યો છુ

પણ તારા ખભે હાથ મુકી તો હુ પગલી ભરી રહ્યો છુ

અધવચ્ચે રણમાં ભટકીને આજ તને શોધી રહ્યો છુ

પણ તારા સમીપ લાવતી પગદંડીને જ ભેટી રહ્યો છુ

રાત્રીએ સપનામાં તને શોધી રહ્યો છુ

સપના પુરા કરનાર પરી પણ તું જ એ પણ માની રહ્યો છુ

સવારે સુર્યના કોમળ કિરણોમાં તને શોધી રહ્યો છુ

પણ તારા તેજસ્વી કિરણપુંજથી જ તો હુ ઝળહળી રહ્યો છુ

મારા અસ્તિત્વની તલાશમાં તને શોધી રહ્યો છુ

પણ મારુ અસ્તિત્વ જ તું છે એ હુ સ્વીકારી રહ્યો છુ