મોત

મોંતને માણવાની છે મજા, માણીને મ્હાલવાની છે મજા
અરે! ઉંબરે દસ્તક દેતું હોય મોત ત્યારે નચિકેત બની યમ ને હંફાવવામાં છે મજા

મોતને સ્વીકારવામાં વળી શી મજા? મોતની ગુલામીમાં છે શું મજા?
ભગત બની મોતને લલકારવામાં છે મજા? આજાદ બની મોતને ભેટવાની છે મજા

મોત જોઇ ડરવામાં શું મજા? લાલા માફક સામી છાતીએ લડવામાં છે મજા
ઝીણાની માફક દેશદ્રોહમાં શું મજા? ગાંધી-સરદાર જેમ ેદેશનિષ્ઠામા છે મજા

મોતને તાબે થવામાં શું મજા? સાવિત્રી બની યમને ડરાવામાં છે મજા
અપંગની જેમ પંગુતામાં શું મજા? રુત્વિકની જેમ ઝઝુમવામાં છે મજા

ધડાકાકરી લોકોને મારવામાં શું મજા? કારગિલ જઇ ગોળી ઝિલવામાં છે મજા
મફતમાં દફન થવામાં શું મજા? જીવન હોમી અમર થવામાં છે મજા

મિથ્યામાં રાચી મોતને ભુલવામાં શું મજા? મોતનુ કફન બાંધી ફરવામાં છે મજા
અત્યાચારનો ભોગ બનવામાં શું મજા? ઝાંસીવાલી બની સામનો કરવામાં છે મજા

આત્મહત્યામાં વળી શી મજા? જીવને ઉગારવામાં છે કંઇ ઓર મજા
મનમાં ને મનમાં મરવાની શી મજા? પ્રેરણાદાયી બનવામાં છે ખુબ મજા

મોતથી વ્યથિત થવામાં શું મજા? હસતાં હસતાં મરવામાં છે મજા
જીવની ભીખ માંગવામાં શું મજા? નીડર બની મોત માંગવાની છે મજા

મોતને માણવાની છે મજા, માણી ને મ્હાલવાની છે મજા
મોતથી ભાગવામાં નથી કંઇ મજા, જીવનની હકીકત સ્વીકારવામાં છે મજા